一早瞓醒打開窗,先發現原來咁好view架喎
之前果晚check in時已經開始天黑
入到房我地竟然冇開過隻窗望吓添
(隻窗係實遮實晒既)
早知八掛開黎睇吓啦
天黑如果有燈打上去都應該幾靚的~
欣賞完房外靚景
當然就落酒店餐廳食早年先啦
由於我地住既係resort而唔係正統既溫泉酒店
所以早餐都係一般既buffet囉
想食日式早餐?聽朝先啦~~
呢個早餐算係不過不失啦
總次食得你飽既~~
食飽飽就快快check out喇
呢日第一個旅遊點係銀河・流星の滝 (map code: 623-177-863)
叫得乜滝物滝,有去開日本既朋友都會知
滝即係瀑布啦
不過呢兩條瀑布.....感覺並不震撼喔
喺地面望既話,只可以望到整條流星の滝
至於銀河の滝,睇唔到個頂架
淨係望到個底囉
想一次過望到晒兩條瀑布?
得!!擰返轉頭有個双瀑台既入口
跟住條樓梯行上山啦
咦.....熊出末注意?
我身上冇牛鈴喎.....真係見到熊既時候點算?
當時我地梗係冇理咁多
照行上山啦~~
唔好講笑......呢段路行得好辛苦吓囉
一定係我少運動啦
不停咁上樓梯喎,真係行到有少少發軟蹄feel呀
行咗一半左右有個休息位
而且望過去仲望到晒兩條瀑布
喺呢個時候,我地決定影幾張相就掉頭走了
因為我唔想再爬頭梯了
同埋天色開始轉差,都係快快離開好d
下一站.....遠咯.....我地去阿寒湖
(map code: 739-341-737)
入完map code睇一睇
其實15x公里之嘛,點解要成5個鐘先?!?
你地睇吓....條路又冇乜車.....
就係因為冇車...所以出事啦.....
行住大直路加前面冇車.....勁超速......
疑似被影快相了 (見到警察喔)
跟住成日咩mood都冇晒,仲俾人話我黑佢面囉
喂,當時一定超30公里以上啦
係....冇人追上黎....但我點知日本影快相係點架
可能唔追上黎就咁於告票呢?
超30講緊max罰100,000円喎
我點可能唔黑面呀?!?
黑住面繼續行程
最後我地用咗約3個鐘就到阿寒湖了
去到泊低車第一時間搵野食
你知啦,日本野好多時下晝兩點後close架嘛
好衰唔衰我地心急又行錯方向
一路行都冇野食
最後揀無可揀去咗間民宿既餐廳
我要咗個アイヌネギラーメン (900円)
老公嗌咗個咖哩豬扒飯 (800円)
係咁易食飽個肚就算了~
食飽之後就去行吓溫泉街啦
其實都冇咩買架
大部份shops都係買d手工藝野啦~
照計就應該冇野會買到既
因為都係d電話繩呀,鎖匙扣呀果d囉
除咗一樣野....屬於雕刻類既野啦
我都冇諗過會買架
行晒成條街左諗右諗
覺得好靚但係又冇乜用,但最後都買咗
就係呢個貓貓木牌啦~~
d字係我地寫俾老闆,然後佢即埸雕架~
行完溫泉街見時間尚早
我地去埋アイヌコタン (愛奴部落)
都係有d shops咁啦
好似夜晚有表演既,不過要買飛架
再行入d有幾間應該係アイヌ族以前住既屋
你可以行入去睇或者影相
但要俾錢架,屋入面有個錢箱俾你入錢既
我地見d屋入面好細,一眼望晒咁
所以都冇入去喇~~
去酒店check in之前仲有一個景點
不過篇幅太長了
留待part II時再講啦~~ (續)
沒有留言:
張貼留言