上回講到去完幣舞橋
之後我地就去和商市場食lunch喇
由於我地已經泊定咗架車
而且喺幣舞橋行去和商市場都唔太遠
我個人咁龜速都可以20分鐘內行到去
咁一於慢慢行過去啦~~
之前有上網睇過其他blogger既blog
大概都知去和商食勝手丼既程序既
食飯都有程序?唔係,係買飯有程序啫
係咁既,市場入面當然有好多海鮮檔
而好多檔都有魚生賣的
你絕對係可以一片一片魚生咁買既
但係賣魚生既又冇飯賣架喎
所以一開始係要去賣飯既檔口買飯先 (飯都有分大中細的)
買咗飯就可以去揀想食既魚生囉
咁店主就會直接擺你揀咗既魚生上飯面~
如果有心慢慢行,可以分開幾檔買啦
但我地懶,隨便揀一間買晒就算了
買完就自己行返去市場中心位置搵位坐啦~
so far味道都算係唔錯的
刺身亦算新鮮
價錢方面都尚算合理 (當時exchange rate約0.083-0.085)
兩碗勝手丼合共2,450円
不過說實在的,食完唔多夠飽喎
係我地太大食?定碗飯太細?
唔多飽心思思再行多個圈
今次行focus咗喺d蟹蟹度
喺北海道食蟹真係抵 (係香港賣得太貴吧)
最後忍唔住乖乖的付上2,000円買多隻花咲蟹黎食
幸好老闆娘主動問要唔要幫我地剪埋隻蟹
等我地省卻唔少拆蟹功夫
食飽飽本來係要離開釧路的了
但由於時間尚早
我地決定去Fisherman's Wharf MOO走走
其實我地唔知有咩睇的
只係喺幣舞橋時見到呢個商場咋
原來唔係我想像中既商場囉
成個mall都係手信店黎架
大部份都係賣野食的
由於我地唔打算買太多食物返香港
所以行咗一陣都離開了~~
離開Fisherman's Wharf MOO,行返去拎車
之後就直接去酒店了
係呀,今晚真係要去好遠嘛
所以要早d出發囉
呢晚我地住星野リゾート トマム
行高速車程都要成3個多小時 (高速費2,400円)
咁長路程,我真係由天光坐到天黑
勉強又俾我見到日落喎 (老公大人還是專心揸車啦)
幾個鐘後終於都去到酒店
星野リゾート トマム一泊兩食20,600円
估唔到間酒店都幾靚喎,仲好大添架
所以我地間房都幾大囉
下次有時間喺度住多幾晚都幾好
因為佢係resort,留喺酒店都應該唔會悶吖
settle down之後我地都去食晚飯了
好得意的,個plan包晚餐
但冇講明要去邊度食的
因為間酒店實在太太太大了
所以有好多間餐廳 (行去搵食都要d時間)
咁check in時酒店會俾餐券你
你想去邊間餐廳食就去邊間啦~~
最後我地揀咗食Shabu Shabu
餐券包咗兩份價值3,675円既餐
我地想食好d,所以補差價upgrade咗食個4,675円既餐
個餐都好豐富吓
有沙律,刺身,雞翼,海鮮,仲有豚肉火鍋...
真係食到好飽囉
食到咁飽當然唔好即刻瞓啦
我地去行吓酒店入面既手信店
之後.....再行出酒店....
嘩...不得了...
由於附近乜都冇只有resort一間
即係出面好黑~~好黑加好好天...
yeah....成個天都係星星囉
靚到暈~~真係好靚好靚~~
可惜今趟旅行我冇帶單反去
影唔到個靚靚星空同大家分享...
但...我地終會有一日再返黎的!!
沒有留言:
張貼留言