我講緊既係LC開倉
根據以往既經驗
要買到好野一定要早同埋人多
(第一次去時得我同老公兩個
早入到去但乜都搶唔到囉 >.<)
今次我地醒啦
一收到LC既invitation即刻組團
成功group咗好多人一齊去
所以都算買到靚野架~~
不過今次亦係前所未有咁亂囉
其實插隊打尖次次都有架啦
但今次情況特別嚴重
加上又有人睇唔過眼
搞到要報警添
報警都冇用吖,警察黎到咪又係乜都做唔到
最後都係群眾壓力先叫將部份打尖人士迫走~~
講返今次有咩靚野先
最鍾意既係套粉紅粉藍心心杯
第一日VIP日之後見人post出黎
我已經心動中啦
最後又俾我地既超強團隊搶到返黎
真係開心到暈呀
(其實我懷疑當日我地搶貨都ok狼死
分分鐘俾人以為我地係炒家
但我地唔係架,人多所以要搶得多先夠分咋)
除咗心心杯,今次有lime色煲都好吸引吖
但我已經有好多喇喎
(17 oval, 18 risotto, 22 round, 24 round, 29 oval, 仲有花花煲)
不過lime又真係好靚.....
咁....咁....我最後買咗個16 round囉~~
另外其實我都買咗好多stoneware呀
買到粉紅色dessert cup好開心呀
本黎打算去北海道時去買架
而家唔駛啦,仲要好抵
$70一隻咋~~唔買對自己唔住喔~
呀,仲有粉紅色既mini bowl都好可愛
我一路都冇留意有呢隻碗仔
係我地企埋晒分貨時
老公出去搵俾我架~~
好細隻超kawaii呀
$65一隻,打邊邊時用黎擺豉油都好吖
其他都冇乜特別喇 (自己睇相啦)
係有好多粉紅粉藍色野囉
平時shop冇呢d色
集郵心態下我又樣樣買d咁囉
喺度我真係要多謝我既團隊
冇你地我買唔到咁多靚野
冇你地我亦冇心機排隊排幾粒鐘
仲要多謝我老公陪我癲
陪我排隊陪我搶
又幫我睇吓有冇死雞執
I love you all~~~
沒有留言:
張貼留言